အမျိုးသမီးလို့ပြောလိုက်ရင်
အမြဲတမ်း အမျိုးသားတွေရဲ့နောက်
Second place ကနေပဲ အမြဲရှိခဲ့တာပါ။
ဦးစားပေး၊ အရေးပေး ခံရတဲ့အထဲမှာ အမြဲနောက်ကပါပဲ။
သို့ပေမယ့် ယနေ့ခေတ်မှာတော့
ဒါမျိုးအတွေးအခေါ် ခံယူချက်တွေ သိပ်မရှိတော့ဘူးဆိုသော်ငြားလည်း…ရှိနေဆဲပါ။
အမျိုးသမီးဆိုရင်
သိမ်မွေ့နူးညံ့ရမယ်၊ ဗိုင်းကောင်းကျောက်ဖိ နာခံဝပ်ပြားနေပြီး အိမ်အလုပ်တွေနိုင်နင်းရမယ် ဆိုပြီး ယေဘုယျသတ်မှတ်ကြတယ်။
မြန်မာဆိုရိုးတစ်ခုတောင်ရှိပါသေးတယ်။
“လင်ကိုဘုရား သားကိုသခင်” တဲ့
အရာရာကို တခြားသူအတွက်ဦးစားပေးပြီးမှ မယားဖြစ်သူ၊ မိခင်ဖြစ်သူဟာ အမြဲတမ်း နောက်ကပါပဲ။
ကျွန်တော်တို့ရဲ့ culture မှာဆိုရင်
အမျိုးသမီးတွေဟာ
အိမ်မှာ အလုပ်မှာ ပတ်ဝန်းကျင်မှာ အမျိုးသားတွေနဲ့ တန်းတူအခွင့်အရေး ခံစားရတာဆိုတာ အင်မတန် နည်းလှပါတယ်။
တကယ်တော့ သေချာစဉ်းစားကြည့်ရင် ဒါတွေဟာ ယောက်ျား နဲ့ မိန်းမ ခွဲခြားဆက်ဆံခံရတာgender discrimination ပါပဲ။
ကျွန်တော်တို့လူမှုပတ်ဝန်းကျင်မှာ
အမျိုးသမီးဖြစ်ရတဲ့အတွက်
အားငယ်မှု၊ အန္တရာယ်တွေ၊ မလုံခြုံမှုတွေ ကို ပတ်ဝန်းကျင်အသိုင်းအဝိုင်းက
မေးငေါ့အပြစ်တင်ဝေဖန်နေမယ့်အစား
ဝိုင်းဝန်း ကူညီစောက်ရှောက်ပေးဖို့၊
ဖေးမပေးဖို့ရာ အများကြီးလိုအပ်ပါတယ်။
မိခင်တွေ ၊ အမျိုးသမီးငယ်တွေ ၊ အမျိုးသမီးတွေအားလုံးအတွက် လုံခြုံနွေးထွေးတဲ့ ရပ်ဝန်းလေးအဖြစ်၊ အခက်အခဲတွေ၊ စိန်ခေါ်မှုတွေကို အမျိုးသမီးတွေရဲ့စွမ်းအားနဲ့ ရဲဝံ့စွာရင်ဆိုင်ဖို့ရာ ရည်ရွယ်ပြီးတော့
ဒီလမှာ ” The Power of Women” အမည်နဲ့ အမျိုးသမီးပန်းချီကားတွေကို ကလသာ အနုပညာပြခန်းမှာ ပြသသွားမှာဖြစ်ပါတယ်။
လုံခြုံနွေးထွေးတဲ့ ရပ်ဝန်းလေးအဖြစ်၊
အရှိကိုအရှိအတိုင်း လက်ခံနိုင်မယ့်၊ လှပပြီး
ရဲရင့်ထက်မြက်တဲ့ ဦးဆောင်ဦးရွက်ပြုနိုင်မယ့် အမျိုးသမီးလေးတွေရဲ့ စွမ်းအားကို ရယူနိုင်ရန် ပန်းချီဆရာတွေ စိတ်ကြိုက်ခြယ်မှုန်းထားတဲ့”The Power of Women” အမျိုးသမီး ပန်းချီကားတွေ ကို ခံစားကြည့်ရှုဖို့ ဖိတ်ခေါ်လိုက်ပါစေ ။
#thepowerofwomen #myanmarpaintings #myanmarartist #myanmararts #burmesearts #galleryinmyanmar #ArtSpaceInYangon #Kalasaartspace #Artissharing #womenpaintings
