ဟိုရှေးခေတ်က မြန်မာအမျိုးသားတွေဟာ
”ဘုရားမတင် နတ်မဝင် လူတွင်ဆယ်ပွင့်ပန်း” ဆိုပြီး တင်စားခေါ်ဝေါ်ကြတဲ့ မြန်မာ့လက်မှုအနုပညာ (၁၀) မျိုးထဲက အနည်းဆုံး အတတ်ပညာ တစ်ခုခုကို မဖြစ်မနေတတ်မြောက်ကြရပါတယ်တဲ့။
သံထည်ထုလုပ်ခြင်းကို ပန်းပဲ
ရွေ၊ ငွေ သွန်းထု ခတ်လုပ်ခြင်းကို ပန်းထိမ်
ကြေးထည်ကိုတော့ ပန်းတဉ်း
အင်္ဂတေ၊ သရွတ်လုံး ရုပ်လုံးရုပ်ကြွပြုလုပ်တဲ့အတတ်ပညာကိုတော့ ပန်းတော့
အုတ်၊ အင်္ဂတေဖြင့် အဆောက်အဦ ပြုလုပ်ခြင်းကိုတော့ ပန်းရံ
သစ်သား၊ ဆင်စွယ်၊ ဖယောင်းကို ရုပ်လုံးရုပ်ကြွ ထွင်းထုသည့်ပညာကို ပန်းပု
ကျောက်သားကို ထုဆစ်သည့် ပညာကိုတော့ ပန်းတမော့
သစ်သား၊ ဆင်စွယ်တို့ကို လိုရာပုံအတိုင်း ချောမွတ်အောင် ပွတ်ခံပြုလုပ်သည့်ပညာကို ပန်းပွတ်
ဆေးရေး၊ ခဲရေး၊ မှင်ရေးဖြင့် ရုပ်ပုံရေးဆွဲသည့် ပညာကို ပန်းချီ
ဝါးနှီး သစ်ပျော့တို့ဖြင့် သစ်စေး၊ သရိုးကိုင် ကာ
လူ့အသုံးအဆောင်များပြုလုပ်တဲ့ပညာကိုတော့ ပန်းယွန်း လို့ ခေါ်ပါတယ်။
မြန်မာတို့ရဲ့ ရိုးရာယဉ်ကျေးမှုအမွေနှစ် လက်မှုပညာရပ် (၁၀) မျိုးဟာ ရှေးပဝေသဏီကပင် ယနေ့ခေတ်အချိန်အထိ ရိုးရာအစဉ်အလာမပျက် တည်ရှိနေတဲ့ မြန်မာမှု အနုပညာရပ်များဖြစ်ပါတယ်။
ဒါ့အပြင် ပန်းဆယ်မျိုးမှာ မပါတဲ့ တခြားသော
မြန်မာ့အနုပညာရပ်များလည်းရှိပါသေးတယ်။
အဆို၊ အက၊ အရေး၊ အတီး စတဲ့ ဖျော်ဖြေမှု အနုပညာတွေအပြင် အိမ်တွင်းမှုလက်မှုပညာတွေဖြစ်တဲ့ အချုပ်အလုပ် ပန်းထိုးပညာ၊ရွေချည်ထိုးပညာ၊ ရိုးရာရက်ကန်း ပညာတွေဟာလည်း အမျိုးသားတွေနဲ့အတူ အမျိုးသမီးတွေပါ တန်းတူညီတူလုပ်ကိုင်ကြတဲ့ မြန်မာမှုအနုပညာ၊ အတတ်ပညာရပ်တွေဖြစ်ပါတယ်။
“ရေမြင့်မှ ကြာတင့်မည်” ဆိုသကဲ့သို့ မြန်မာမှု မြန်မာ့ရိုးရာအနုပညာတွေကို ငုပ်သျှိုးပပျောက်မသွားအောင် သားစဉ်မြေးဆက် စဉ််ဆက်မပြတ် တန်ဖိုးထားထိန်းသိမ်းဖို့ အားပေးချီးမြှောက်ရန် လိုအပ်ပါတယ်။
ဒီပန်းချီကားလေးကတော့ ပန်းချီဆရာကြီး ဦးလှစိန် (Artist Hla Sein) ရဲ့ ၁၉၆၀ ကျော်နှစ်များလောက်ကရေးဆွဲခဲ့တဲ့ မြန်မာ့အနုပညာတွေအကြောင်း မဂ္ဂဇင်းသရုပ်ဖော်ပန်းချီဖြစ်ပါတယ်။
ရှေးခေတ်ရဲ့ ပန်းချီရေးဟန်နဲ့ မြန်မာ့ရိုးရာယဉ်ကျေးမှုတွေကို ဘယ်လိုသရုပ်ဖော်ရေးဆွဲသလဲဆိုတာ ကြည့်ရှုခံစားနိုင်ပါတယ်။
ဆရာကြီးရဲ့ မဂ္ဂဇင်းသရုပ်ဖော်ပန်းချီ original printed ကို ဝယ်ယူစုဆောင်းချင်သူများအတွက် ဘောင်အပါ 50$ ဖြင့် ဝယ်ယူစုဆောင်းနိုင်ပါပြီ ။
ဆရာကြီး ဦးလှစိန်ရဲ့ ဒီလိုမျိုးလက်ရာ မဂ္ဂဇင်းသရုပ်ဖော်ပန်းချီလေးကတော့ တစ်ခုတည်းသာရှိတာမို့ မနှေးအမြန် လက်ဦးဖို့တော့ လိုမယ်နော် ။
